Plantun de Prouvènço

Pèr coumpara dos planto d'encò nostre

Lycium barbarum & Minuartia hybrida subsp. laxa

Arnavèu-blanc(-de-Barbarìo)

Lycium barbarum

Solanaceae

Autre noum : Bouissoun-blanc.

Nom en français : Lyciet commun.

Descripcioun :
L'óurigino éuroupenco d'aquest arnavèu-blanc èi discutido. Sèmblo pèr la maje part planta. Es un aubret que fai de flour vióuleto sus de ramo retoumbanto e espinouso. Lycium europaeum a de flour palinouso e d'espinasso alor que Lycium chinense fai de flour mai larjo e porto ges d'espino.

Usanço :
Emai li fueio e li fru sarien manjadis (F. Couplan, op.cit. p. ) cue, soun subretout li fru que soun utilisa en medecino tradiciounalo chinese emé lou noum de "goji". Soun proun anti-óussidant e manja pèr faire dura d'alòngui la vido (paradis terrestre di taouïste). Èi vertuous contre un fube de malautié : anti-cancerous, bon pèr lou cor, contro l'ipertesuro, l'iperglicemìo, lis artèri tapado...

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Lycium
Famiho : Solanaceae

Ordre : Solanales

Coulour de la flour : Vióuleto
Petalo : 5
Ø (o loungour) flour : 1 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Abriéu à setèmbre

Liò : Sebisso - Bartas - Baragno
Estànci : Termoumediterran à Coulinen
Couroulougi : Óurigino Asìo-Èst
Ref. sc. : Lycium barbarum L., 1753

Lineto(-bastardo)

Minuartia hybrida subsp. laxa

Caryophyllaceae

Noms en français : Minuartie lâche, Sabline lâche.

Descripcioun :
La lineto-bastardo es uno planto de l'an, emé de cambo proun ramificado, de fueio primo e pounchudo emé de flour que li sepalo soun mai longo que li petalo. Trachis sus cauquié. Aquesto subsp. laxa, la mai coumuno dins noste relarg, caup de 3 à 5 estamino e se recounèis tambèn à si petalo courteto (un pau mai que la mita di sepalo) e à si quàuqui péu sus li sepalo (fotò). Coumpara emé la subsp. tenuifolia mens coumuno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 2 à 3 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mars à setèmbre

Liò : Tepiero - Bos clar
Estànci : Subremediterran à Mountagnard
Couroulougi : Mediterrano
Ref. sc. : Minuartia hybrida subsp. laxa (Jord.) Jauzein, 2010 (= Minuartia viscosa subsp. laxa (Jord.) Breistr., 1957 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Lycium barbarum & Minuartia hybrida subsp. laxa

ges

Coumpara Arnavèu-blanc(-de-Barbarìo) emé uno autro planto

Coumpara Lineto(-bastardo) emé uno autro planto